مسلسل حقوق تائهة

تقديم ...

برنامج " مسلسل حقوق تائهة " هو برنامج ثقافي -حقوقي يسلط الضوء على انتهاكات حقوق الانسان و الظواهر السلبية التي يعاني منها المجتمع المحلي و التي تكاد تقاس على جميع المجتمعات العربية عامة , يتكون المسلسل في استعراضه للإنتهاكات و الظواهر من 20 حلقة (سيناريو ) تستعرض كل حلقة معاناة أو مأساة بأسلوب عامي و تراجيدي , و يتم تقديم هذا العمل باسلوب مبسط و عامي ( بالهجنين الفلسطينية و الاردنية ) حيث اشير الى معنى بعض المصطلحات الغامضة بالنسبة للبعض  في موضعها .

و اشير في نهاية كل حلقة الى اهم التشريعات ( الاردنية - او/ و مبدا من مبادىْ الاعلان العالمي لحقوق الانسان ) التي تطرقت للإنتهاك و تعالجه من خلال التشريع القانوني .
هذا البرنامج ...
مبادرة ذاتية من قبل المؤلفون حاولوا من خلال هذا الاسلوب التراجيدي التعبير عن أسفهم لاستشراء بعض الظواهر السلبية داخل مجتمعنا , في محاولة منهم لنشر الوعي حول اضرار و سلبيات هذه الظواهر و رؤيتهم للحلول و الاقتراحات العملية التي من شانها الحد من انتشار هذه الظواهر .

انتج هذا العمل فريق من الشباب الأردني المتطوع .

الناشر : 

مدونون من أجل حقوق الإنسان

الإشراف : 

غاندي أبو شرار

المؤلفون :

عرييبي – ملاك - جهاد - crestthebest - روعة

دعاء - كلارا - geronimo - ابو شعبان

رقم الإيداع في المكتبة الوطنية 

432/02/2012

تنويه : 

1. ان الغرض من نشر هذا العمل هو لتوعية الافراد بحقوقهم و التزاماتهم و يسلط الضوء على ظاهرة معينة في المجتمع العربي و بذلك فان الاسماء و الشخوص المستعملة في هذا العمل لا تمت باي صلة لاي جهة كانت كما ان الصور المستعملة تعبيرية .
2. تتيح مدونة "مدونون من أجل حقوق الإنسان " خدمة التعليق المباشر على كل حلقة - و ترحب المدونة باي  استفسارعبر بريدها الالكتروني . 
3. مسموح الاقتباس و اعادة النشر و استخدام البرنامج الحواري بهدف نشر ثقافة حقوق الانسان مع الاشارة الى المصدر .

الكاتب : عرييبي

اخراج : عرييبي
موضوع الحلقة : حقوق الملكية الفكرية / الاقتباس الممنوع

حنيت للقرية اللي عشت فيها طفولتي ودراستي الابتدائية

وعشت احلى الايام اللي كنت فيها بين اهلي وصحابي ...

بتذكر لمّا كنت العب بخشومي وييجي ابوي يلطشني كف ويحكيلي (( مسّح ببلوزة اخوك بديش اشوف ايدك بخشمك ))

آآآآخ يرحم هديك الايام ...

كان لما الاكل ينحط عالارض الصحون تنزل فاضية ....

لأنو الايدين بتبلّش توكل والصحون بالجو ....

16 نفر على 4 صحون بس الحلو الواحد كان يقوم يحكي الحمد لله ...

يرحم ايامك يا جارتنا ...

كنت اطلع عالسطح مشان اطقس عليها ...

وهي تكيّف ,

تسحّل الاشار وتعمل حالها مش شايفتني ...

كانت جارتنا هي اللي اوحتني للكتابة لأني اول اشي بحياتي كتبتو بعينيها وكانت بيت الشعر التالي :
رمتني بجمال عينيها رصاصة ......

فقلت براسي هيك ,

فجائت الطلقة من هآنذلك الحاجب العريض المخمليّوو ......

غطّى على سحر العيون شبران

جمال عينيها وحواجبها اوحالي الكتابة ....

كنت اروح من المحرقة عالبيت بالليل وأضل اكتب واكتب واكتب لحد ما يطلع الصبح ...

بس يطلع الصبح اكتشف انو القلم اللي كنت اكتب فيه فاضي واشوف الورق يطلع ابيض

لما صار عمري 25 سنة الله فتحها علي ودبرت شغل برا القرية وطلعت عالمدينة ...

اشتغلت اولها بمطعم وكتبت شعر بحبات الفلافل ....

واشتغلت نجار وحفرت قصيدة على خزانة خشب ...

اخر شي اشتغلتو مراسل بشركة صغيرة .,,,

سكرتيرة المدير كانت صحفية وحكتلها عن موهبتي بالكتابة وقبلت انها تنشرلي مقالة بزاوية اسمها " خفايا مندوب "

......جهزتلها مقالة وانتشرت بالجريدة .....

بس اللي ما توقعتو انو المقالة عملت اختلاف بالرأي العام وهالاشي سبب انها تنشهر وانشهر انا معها ..

طلبتني اكتر من جريدة انو اكتبلها مقالات حصرية الها

بس انا رفضت لأنو ما بحب انربط بأشي معين ولا بحب انحط تحت الامر الواقع ولا بحب حدا يمسكني من ايدي اللي بتوجعني ....

بيوم اتصلت بجريدة اعلن فيها انو مطلوب سيارة لأنو ربنا فتحها علي والحمد لله ....

وللصدفة اتفاجأ انو صاحب هالجريدة بعرفو وبعزّو ....

سولفنا شوي وحكينا اخبارنا لبعض واقترح علي اني اشتغل معاه بالجريدة ....

لأني بعزّو كتير ارتبطت معاه بالشغل

وساهمت معو انو تنتشر سمعة المجلة وتنشهر وكنت اكتب المقالات واعمل افكار بتساهم بالتشهير للجريدة .....

بس للاسف .....

كنت بشتغل مشان غيري يكب بالبحر ....

طبعا كون الشغل كان شراكة بيني وبين صاحب الجريدة بيطلعلو وكالة على مقالاتي ....

ولقيت انو بتصرف فيهم من غير علمي ( وليس اذني ) ...

حسيت وقتها اني مرة مطلقة وطلع لأبو الولد حق الحضانة .....

ابني رح يروح مني ....

انا بصراحة ما زعلت على المقالات اللي كتبتهم ولا زعلت لأنو هالجريدة فيها مقومات وقدرت تطلع بالعالي من جهد موظفيها ...

بس زعلت على حالي انو ما عملت شي يخليني استاهل كل هالمعاملة !!!

ما علينا .....

ورد في قانون الملكية الفكرية المادتين 4 و 6 ما يلي :

المادة 4

للمؤلف وحده الحق في تقرير نشر مصنفه وفي تعيين طريقة هذا النشر .

وله وحده الحق في استغلال منصبه مالياً بأي طريقة من طرق الاستغلال ولا يجوز لغيره مباشرة هذا الحق الا بإذن كتابي مسبق منه أو ممن يخلفه .

المادة 6

للمؤلف وحده الحق في أن ينسب إليه مصنفاً إلا إذا ورد ذكر المصنف عرضاً في ثنايا تقديم إذاعي أو تلفازي للأحداث الجارية

وللمؤلف أو خلفه الخاص أو العام الحق في الاعتراض أو في منع أي حذف أو تغيير أو إضافة أو إجراء أي تعديل آخر على مصنفه دون إذنه .

ويستثنى من حكم الفقرة السابقة التعديل في ترجمة المصنف أو تحويره أو تطويره إلى صورة أخرى إلا إذا ترتب على ذلك مساس بسمعة المؤلف أو شرفه أو مكانته العلمية أو الفنية أو إخلال بمضمون المصنف وفي جميع الأحوال يجب التنويه بما تضمنته الترجمة أو التحوير أو التطوير من تعديل المصنف الأصلي .

مسلسل حقوق تائهة : حقوق الملكية الفكرية -2

كتبها : عربييي

اخرجها : MALAK + عربييي + جهـــاد

موضوع الحلقة : حقوق الملكية الفكرية -2

من زمان وانا وصغير كان نفسي ادخل غرافيك ديزاين

 بس ابوي ما رضي وحكالي بدك تدرس هندسة ...

 يا حج يهديك يرضيك ...

 ما رضي ..

 اختارلي ادرس هندسة ميكاترونيكس مع انو انا مش شاطر بالكهربا بالمرة

 امتحان سيركت!!!!

 طبعا هالامتحان زي امتحانات التوجيهي ...

 مصيري حياة او موت ( يا بتغني انا عايش يا بتغني ومش عايش ) ...

 من لما اشوف موعد هالامتحان على لوحة الاعلانات بتكركب وبحسب لهاليوم الف حساب ( يعني مصاريف النوم خارج البيت )...

 اجا اليوم الموعود وانا لسة مش دارس ( كلها خمس دقايق وبختم )

 على اساس ( نيرد انا ) ...

 نيرد : كلمة يستخدمها سكان الحسين وجر للتعبير عن الذكاء الشديد لدى الشخص ....

 احنا بنستخدم كلمة ( فلطح )كالعادة رحت عالجامعة الساعة 8 ولسة امتحاني عال6 مساءً اول محاضرة دكتور واقع من مكوك فضائي جاي اعارة من الاردنية وسايق علينا انو ( فلتة ) بكون يسولف بالانجليزي

 وكل شوي احرجو انا ( استاذ متأكد من لفظ كلمة **** طب كلمة **** هيك بتنلفظ )

 وجوابو المعتاد ( الدنيا صبح والواحد لسة مش صاحي ) ...

 طبعا هالدكتور صادق وعمرو بحياتو ما بكذب الا بمحاضرتنا :( انا مرة يا شباب وانا ببريطانيا بزقت عالارض سجنوني شهرين ...

 وبعديها لما رحت على امريكا اكمل دورات المحادثة كنت راكب بالطيارة والطيارة جديدة

 وكانت بدها توقع لأنو الطيار مش عارف شو معنى الكلمة اللي بغرفة القيادة ... واجيت انا حكيتلو معناها ) ...

 وهالشباب تهز بروسها وتحكي ماااااااااااااااااء ...

 المحاضرة الثانية اجهزة الكترونية .... بصراحة ما بتذكر اشي بهالمحاضرة لأنو بكون زي الاطرش بالزفة وزي الاعمى بالسينما وزي الاخشم ببستان الورود وزي عديم الاحساس لما يحكي مع الخسة ....

 بعد هيك في مختبر كيميا ....

 احلى اشي بالمختبر انو الواحد بكون فاهم التجربة وعارف شو بدو يعمل بالزبط وما بغلط بالحسابات نهائياً ومجموعتو روعة ما شالله

 والدكتورة دايما بتضحك وما بتقضيها صراخ بعدين بتحب الطواقي وما بنتناقر انا واياها كل مرة على الطاقية

 ومدة المختبر ما بتملل ومش 3 ساعات ...

 مش عارف ليش الناس بتكره مختبر الكيميا بجننبعد هيك بنطلق الى اخر محاضرة

 وبقعد باخر كرسي وببلش شخاوير ..

 ساعة ونص ضايل للامتحان ,

 قلت لحالي خليني اروح ادرس بالمكتبة بلكي ربي فتحها بوجهي ونجحت ...

 وانا ماشي لاقتني ( عشعش ) طبعا هي اسمها دلال بس اسم الدلع هاد الو مدلولات اخرى اول ما شافتني ( لوكت ) ثمها وطعجت خصرها و(سيّحت علي ) 

((( وينك انتا من السبح بدور عليك ومو ملائياك وموبايلك ( لويش مغلئ ) شو لهالدرجة بتحب المحادرات )))

ولسة بدي احكي انو عندي امتحان قامت سحبتني من قميصي عالكفتيريا وبتقوللي تع اعزمني ,

معاقة بتعرفش مين انا قلت يالله هي صحّلنا اكلة ببلاش ..

حكتلها شو بدك توكلي وشو تشربي اطلبي واختاري ...

والله ما قصرت مسكينة بالطلبات على اساس مفكرة عحسابي ...

وقبل موعد المحاسبة بثواني قال انخنقت بدي اروح عالحمام ....

وغليتها عالمكتبة رحت عالمكتبة والا هي فاضية " شو معقول فش حدا بدرس " تطلعت عالساعة والا هي خمسة الا عشرة

ركااااااااااااااااااااااااااض على قاعة الامتحان ...

( زبطت قعدة )

واجت الورقة وبلش الامتحان ...

السؤال الاول ( حلّق حول الاجابة الصحيحة )

(((السنة الماضية اجاني سؤال حلّق حول الاجابة الصحيحة ,

تركتو فاضي لأني مش عارف ولا جواب وكان الامتحان عربي ,

لما سلّم الدكتور الوراق بحكيلي ليش مش حال ولا دائرة يعني عالاقل ( شنصهم ) بحكيلو ليش الامتحان ضع دائرة ,

انتا كاتب ( حلّق ) )))المهم ما علينا ....

على علمي اني لما درست للامتحان كان باللغة الانجليزية بس ليش هون سنسكريتي

الدائرة الاولى : عليم الله انو الدكتورة مخلصة حبر الطابعة

وهي تكتب فيه لأ والاسخم انو السؤال 13 سطر والاجابات :a-1 b-4 c-5 d-2

الدائرة الثانية : المطلوب انو نحل على حسب ما هو موجود بالرسمة المجاورة بس اكتشفت انو ما في رسمة

ولازم الواحد يدبر حالو

الدائرة الثالثة : فيها رموز كثيييير وشغلات زي اللي بتكون الدكتورة تكتبهن عاللوح وانا زي اللوح ما بفهم شو علي

الدائرة الرابعة : اللي قهرني فيها انها ما فيها غير سطر واحد للسؤال وفيه رقم واحد , طيب كيف بدو يطلع معي اجابة زي الافرع مثلا زي :

20/30" +j15 cos(wt22/6.8+120" )
((( عادي مرة مسحت لدكتورة اللوح صارت تحكيلي الك علامة عالامتحان الاول ... يعني بجيب 1 من 20 )))

الدائرة الخامسة : لقيت الاجوبة كلها عادي الا الجواب C ممحي من سوء الطباعة رحت حطيت الدائرة عليه

السؤال الثاني :عبارة عن تحليل دائرة كهربائية مشان اطلع معادلتين ....

تطلعت عاللي جنبي لقيتو ناقل الرسمة على دفتر الاجابة , رحت نقلتها ...

لقيتو كاتب اشي ومخربش عليه رحت خبصتللي شوي وخربشت عليه ,

لقيتو كاتب معادلتين ما بعرف من وين جابهم ( نقلتهم نص حرفي ) وسلمت الورقة ,

بس اكتشفت بعد ما طلعت من الامتحان انو الشب اللي غشيت منو لسة كان يكتب بالسؤال ولسة ما بلّش يجاوب ...

ورد في الاعلان العالمي لحقوق الانسان:

المادة 19 لكل شخص الحق في حرية الرأي والتعبير، ويشمل هذا الحق حرية اعتناق الآراء دون أي تدخل، واستقاء الأنباء والأفكار وتلقيها وإذاعتها بأية وسيلة كانت دون تقيد بالحدود الجغرافية.

مسلسل حقوق تائهة : حقوق المواطنة

كتبها : Green eyes

أخراج: crestthebest & Malak

موضوع الحلقة : التجنيس

نزار من مواليد البلاد ( البلاد اللي هي المدن و القرى الفلسطينية اللي احتلوها اليهود سنة 1948)

و كانت عيلة نزار عيلة كبيرة و الها سمعتها و من اكبر العائلات بالبلد و كان عندهم اراضي و املاك ..

انولد نزار سنة 1947 يعني ما لحق يتهنى ب املاك عائلته

و كان الولد التالت لابو صالح , صارت حرب 1948

و اتهجرت الناس و راح بعض من افراد العائلة ع مخيمات غزة,

كبر نزار و تعلّم ب مدارس الوكالة

و كان يشتغل بعد المدرسة بالفرن تاع ابوه لأنو ابوه كان مريض و ما بيقدر يشتغل ,,

كان نزار ولد كتير شقي و ذكي و جدع و مشكلجي من يوم يومو و مع هيك كان محبوب من الناس لرجولته من صغرو و الصبايا لأنو امور ..

و بلا طولة سيرة صار عمر نزار 17 سنة

و يا دوب كان مخلص توجيهي و صار لازم يدرس بالجامعة ,,

بس كيف يدرس بالجامعة و هو اللي بيشتغل و بيصرف عالعيلة ؟

نزار : يابا بدي اكمل تعليمي.

ابو صالح : يابا و كيف بدنا ناكل خبز من بعدك ؟

خلص خلي اخوك الكبير يتعلم و انت خليك معنا ما النا غيرك و لا تنسى اخوتك الزغار.

نزار ( مع حرقة بقلبو ) : امرك يابا.فـفضل انو اخوه الكبير يدرس ب مصر و هو يصرف عالعيلة و ع اخوه اللي بـمصر ,

و صارت حرب 1967 ووقتها كان صالح مخلص جامعتو و راح عالامارات,

ابو صالح خاف ع نزار و اختهم دلال من اليهود لأنها كانت صبية,

ابو صالح : نزار قوم يابا بسرعة و جهّز حالك و اطلع ع مصر.

نزار : شو في يابا شو صاير

ابو صالح : اليهود رح يخشو المخيم و يلمو كل شباب الحارة و الله يستر ع بناتنا و عرضنا , قوم انت و اختك و اطلعو من هون بسرعة.

ام صالح : يما نزار ديرو بالكو ع بعض و خد هالدهبات بيعهم و دبرو حالكم ,,

ام صالح شلحت سنسال رفيع و خاتم بسيط و هاد كل اللي كان حيلتها .

و مع دموع الام و الاب طلعو نزار و دلال من المخيم و همي حاملين كل ذكرياتهم معهم.

بيوم و ليلة كان مطلّعهم من غزة على مصر و بعدين عالاردن بعدين عالعراق بعدين عالامارات عند اخوهم الكبير اللي كان استاذ مدرسة.

و بما انو نزار ما عندو غير التوجيهي صار يشتغل عامل بالميناء

و اشتغل عامل بناء و ما خلى شغلة تعتب عليه و اشتغل بشركات و تعلّم و اخد خبرات و مع الوقت كبر مركزو استلم ادارة شركات اجنبية كتيرة و كانو معجبين فيه كتير.

بعد عمر طويل حوالي 40 سنة بالامارات,

سمع نزار قانون بيسمح لكل شخص الو فوق 35 سنة انو يحصل عالجنسية الاماراتية.

و بما انو نزار يعتبر من النازحين سنة 1967 و ما عندو هوية و مافي امكانية انو يرجع يدخل فلسطين ففضّل انو يقدّم عالجنسية مشان يضمن مستقبل ولادو .

و قدّم عالجنسية و صارلو مقدّم تقريبا 6 سنين و لهلأ ما حكو معه و بيستنى الفرج.

و غيرو من الجنسيات حصلو عليها و ناس اصلا كانو بدون جنسية و حصلو عليها .

و بما انو حقوق المواطن غير حقوق الوافد ف هو حاسس انو انظلم و ولادو انظلمو معه.

بس عزاء نزار الوحيد هو ولاده ,,

اللي رباهم عالاعتماد عالنفس و يكونو قد حالهم. مع انو نزار هو أحقّ واحد بالجنسية لأنو خدم بالبلد و ولادو انولدو و اتعلّمو فيها .

جاء في الاعلان العالمي لحقوق الانسان...
المادة 1

يولد جميع الناس أحراراً متساوين في الكرامة والحقوق، وقد وهبوا عقلاً وضميراً وعليهم أن يعامل بعضهم بعضاً بروح الإخاء.

المادة 2

لكل إنسان حق التمتع بكافة الحقوق والحريات الواردة في هذا الإعلان، دون أي تمييز، كالتمييز بسبب العنصر أو اللون أوالجنس أو اللغة أو الدين أو الرأي السياسي أو أي رأي آخر، أو الأصل الوطني أوالاجتماعي أو الثروة أو الميلاد أو أي وضع آخر، دون أية تفرقة بين الرجال والنساء. وفضلا عما تقدم فلن يكون هناك أي تمييز أساسه الوضع السياسي أو القانوني أو الدولي لبلد أو البقعة التي ينتمي إليها الفرد سواء كان هذا البلد أو تلك البقعة مستقلا أوتحت الوصاية أو غير متمتع بالحكم الذاتي أو كانت سيادته خاضعة لأي قيد من القيود

مسلسل حقوق تائهة : التمييز العنصري

كتبتها: روعـــه

إخراج : ملاك &عربيي

موضوع الحلقة : عدم المساواة

شعاع ( الأخت الكبرى .. عادية الجمال.. بتحب الوحدة.. مش ولابد بالدراسة.. مابتحب تطبخ.. )

ملاك: الأخت التانية.. جميلة.. اجتماعية لدرجة اولى.. متفوقة بدراستها.. بتطبخ

امهم: ماما ملاك الله يخليكي جهزي البيت اليوم جايينك خطابين..

ومن اول اليوم على طبخ وتنظيف وترتيب الضيافة وتحضير وكأنه عمرو دياب جاي عندهم

ماما ملاك لاتنسي تلبسي قميصك الجديد وعليه الايشارب الزهر بطلع حلو عليكي..

وحطي مكياج خفيف آه حبيبتي بدي تاخدي عقلهم..

ملاك: حاضر ماما ولايهمك انا رح اخليهم يدوبوا فينيومر هاليوم....

يوم جاي خطابين لشعاع..

الأم صار المغرب وهي بره البيت..

وشعاع ياحرام دايرة لحالها بالبيت ويلها ترتيب البيت ولا لبسها ولا نفسيتها ولا شو..

بتجي الأم حتى كاسة عصير ماكلفت حالها وعملت..

راحول الناس من هون وشعاع بتبكي من هونليه هالتفرقة يعني؟؟

بعد شهر واكم يوم..

ملاك: ماما بدي مصاري بدي اشتري فستان وصندل(اجلكم الله) مشان عرس رفيقتي

الأم: من عيوني.. تفضلي.....دينار بكفوا؟؟

ملاك يسلموا ياأحلى ام

شعاع: ماما وانا بدي فستان جديد؟؟

الأم البسي اشي من عندك مش شايفة ابوكي كيف حالته معانا احنا ؟؟

شعاع الأم بالسوق بتحكي لشعاع: اصلاً انتي مابتستاهلي اشي؟؟

لشو تشتري ولو شو ماعملتي مارح تتعدلي؟؟

خليكي فاشلة هيك لا شوف اخرتها ..

على شو بدك فستان من جمالك.. اطمني مارح تنخطبي بس رح يخطبوا ملاك تقبر قلبي..

(قصة حقيقية من ناس بعرفهم)

نص الاعلان العالمي لحقوق الانسان

المادة 1يولد جميع الناس أحراراً متساوين في الكرامة والحقوق، وقد وهبوا عقلاً وضميراً وعليهم أن يعامل بعضهم بعضاً بروح الإخاءالمادة 2لكل إنسان حق التمتع بكافة الحقوق والحريات الواردة في هذا الإعلان، دون أي تمييز، كالتمييز بسبب العنصر أو اللون أو الجنس أو اللغة أو الدين أو الرأي السياسي أو أي رأي آخر، أو الأصل الوطني أو الاجتماعي أو الثروة أو الميلاد أو أي وضع آخر، دون أية تفرقة بين الرجال والنساء

مسلسل حقوق تائهة : حق المراة في اختيار الزوج و التعليم
كتبها  : دعـــــــــــــــــــاء

اخرجها : MALAK + عربييي + جهـــاد

موضوع الحلقة : زواج بالعافية

نور: بنت مجتهدة ومثقفة بتعشق العلم والمعرفة والاهم الثقافة في كل المجالات محبوبة من الي حواليها ووحيدة اهلها مابهمها الجمال قد مابتهمها الشقافة والكتاب صديقها في كل مكان

ام نور: نووووووووووووور حبيبتي يوم الخميس جهزي حالك في ضيوف جاين عنا وبدهم يشوفوكي

نور: ليش؟؟

ام نور:حبيبتي بدي تزبطي حالك وتشتريلك فستان اليوم رايحين عالسوق انا واياكي هدول خطاب وبدهم يشوفوكينور مصدوووووووووووومة: بس ماما انا مابدي لا انخطب ولا اتزورج بعدني صغير لسه عمري 16 سنة

أم نور: طيب يانور في احلى من السترة للبنت انا بدي اتطمن عليكي قبل مااموت شوفي وماحتخسري شي يابنتي نور حنونة

ولما شافت امها دمعت عيونها سكتت وراحت على غرفتها تبكي كانت رافضة الفكرة تماما والمبدأ بذات نفسه لكن رضا امها عندها بالدنيا وبالذات انه المسكينة مريضة بمرض مزمن لهيك رح تعمل متل مابدها امها بس بدون قناعة او رضى

اجى الخميس ونور كانت تتمنى الموت قبل مايجي هاليومبعد الاستقبال والتحية دخلت نور وضيفت القهوة وهالضيوف ماكانو يشيلو عيونهم عنها طلعت بسرعة بون حتى ماتلمح العريس(العريس) عجبته كتير نور بالذات انها صغيرة وبريئة متل مابحب طلبها واتفق مع ابوها على كل شي والاب وافق بدون علم نور او حتى سؤالها بعد انتهاء الزيارة بتتفاجأ نور بكلام ابوها :

نور ابن الناس بدو اياكي و طلبك مني رسمي وانا وافقت على كل شي بس اشترطت انه المهر يكون ...

الف دينار

الاسبوع الجاي الجاهة والخطبة

نور : حيُغمى عليها من الصدمة شووووووووووووووووووووو؟؟

وانا مالي كلمة ولا رأي والا انتو بتفصلو وانا بلبس انا مابدي اتجوز وبدي ادرس واكمل تعليمي اصلا ماطقته للشب

ابو نور: الشغلة مش على كيفك انا بفهم وين مصلحتك وشو الأنسب الك

( نور ودموعها منهارة على وجهها): بس يابابا دراستي و مستقبلي وحلمي انت بتعرف طموحي اكمل دراستي بدك اياني اضحي بمستقبلي كله وانا بعدني 16 سنة

ابو نور: البنت ماإلها غير بيتها وزوجها والعريس شب غني وسمعته بالبلد معروفة بين الكل ووافق عكل شروطي وهو بدو اياكي وانا حبيته كتير اخلاقه عاليه وانسان محترمنووووور:

بس يابابا..

.وبعد مشكلة كبييييييييرة بين نور ووالدها وانهيارها لمدة من الزمن استسلمت للامر الواقع ووكلت امرها لربها بدون قناعة او رضى وهي متأكدة انه بدأت تعاستها وراحت ايام السعادة والهناء بزواجها من ابن الناس وتركها للعلم وتخليها عن طموحها واحلامها


جاء في الاعلان العالمي لحقوق الانسان

المادة 26

( 1 ) لكل شخص الحق في التعلم، ويجب أن يكون التعليم في مراحله الأولى والأساسية على الأقل بالمجان، وأن يكون التعليم الأولي إلزامياً وينبغي أن يعمم التعليم الفني والمهني، وأن ييسر القبول للتعليم العالي على قدم المساواة التامة للجميع وعلى أساس الكفاءة.

( 2 ) يجب أن تهدف التربية إلى إنماء شخصية الإنسان إنماء كاملاً، وإلى تعزيز احترام الإنسان والحريات الأساسية وتنمية التفاهم والتسامح والصداقة بين جميع الشعوب والجماعات العنصرية أو الدينية، وإلى زيادة مجهود الأمم المتحدة لحفظ السلام.

( 3 ) للآباء الحق الأول في اختيار نوع تربية أولادهم.

مسلسل حقوق تائهة : حق الاختيار و العدول

كتبها : crestthebest

اخرجها : MALAK + عربييي
موضوع الحلقة : الحق في العدول عن الخطوبة

آه يمّا يا يوسف خلص هيّك اتخرجت وصار لازم نخطبلك

يوسف: بس يمّا لسا أنا مش مفكر أتزوج هلأ (عاد عينه طالعه)

يمّا انت ما الك دخل أنا وعدتك انه لمّا تتخرج رح أخطبلك سهير بنت خالتك..

يوسف: شوووووووووووووووووو سهير يمّا سهير لا بطيقها ولا بتطيقني,

بعدين شعرها كشه وأنا بدي وحده شعرها ناعم...

أم يوسف: اسمع لأنك مرضي رح أخليك تختار أنا كم من يوسف عندي؟

يوسف: تسلمي يمّا الله يخليكي يارب

ام يوسف: بشوف هلأ صرت بدك ؟

يوسف انحرج وخف عقله وبين لأمه انه منشن على بنت من الجامعه ~

ملاك أخت يوسف بتزبطله في البدله~

آه كيف يا ملاك بالله عليكي ما أنا حليوه وأموره

ملاك: آه ما شاء الله يخزي العين عنك تحكي وائل كفوري

يوسف: طب اشربي رد بول وطيري من جنبي ياللاااااااااااا

مرت الأيام...

يوسف خطب المحروسه كفاح اللي كان يشوفها في المحاضرات وأعجب بأخلاقها العاليه وأسلوبها في مناقشة المحاضر...

يوسف: ألو آه كفاح وينك؟

كفاح: أنا والله طالعه مع خالاتي ليش في اشي؟

يوسف: ولك جد بتحكي مش اليوم لازم أمر عليكي نروح نشتري بدلة العرس؟

كفاح: اسمع يوسف أنا ما بنحكالي (ولك)

يوسف: خلص حصل خير كفاح,

يبدو انه التفاهم بينا معدوم كل مره مشكله اليوم اللي ما في مشاكل فيه مشكلتين على الأقل

يوسف خبر امه في اللي صار وحاولوا ينهوا الموضوع قبل كتب الكتاب..

طلعت أخو كفاح: شو بتقول انت؟

والله بشرب من دمك شو تفسخ ما تفسخ ؟

يوسف: يا طلعت فترة الخطبه فتره تعارف وأنا بصراحه أختك تصرفاتها وإهمالها اإلي ما عجبني.

.طلعت سكر الخط بوجه يوسف وجهز اخوانه للهجوم على يوسف على شغله..

ولك يوسف اطلع لو كنت رجّال يووووووووووسف

يوسف: ألو مرحبا شرطة العاصمه...

الضابط المسؤول: اتفضل أخي!!

يوسف: أنا صار معي هيك هيك والشباب برا المكتب والسكيورتي مش آدرلهم

الضابط المسؤول: خليك مكانك احنا بنتصرف...

ووييييييييييييووو وييييييييييييييييييييووو (على أساس صوت سيارة شرطه)

الضابط: شو ياشباب عاملين فيها فتوات كلكم وراي على المخفر...

طلعت: سامحنا يوسف والله حالة غضب,

وانسيت انه أنا كنت خاطب وفسخت...

الضابط: ياشباب الدستور كفلك حقوق عديده منها حق العدول عن الخطبه في قانون الأحوال الشخصيه...

الماده 1يسمى هذا القانون قانون الأحوال الشخصية لسنة 1976 ، ويعمل به من تاريخ نشره في الجريدة الرسمية [1] المادة 4 لكل من الخاطب والمخطوبة العدول عن الخطبة .

مسلسل حقوق تائهة : المعاملة اللاانسانية

كتبتها : كلارا

أخرجها: MALAK & عربيي
موضوع الحلقة : اساءة معاملة المراكز الامنية للمواطنين

جهاد وملاك إخوة ,,

سافروا يدرسوا بإحدى الدول العربية ,

لإنو ما طلعلهم مقعد بالأردن بالتنافس لإنهم ما جابو معدلات منيحة أبوهم مستأجرلهم شقة عند الجامعة ..

جهاد مقضيها لعب وسهر و حكي فاضي و لما يتصل أبوهم يتطمن عليهم,,

بيقولو: آه يابا ,,

كل شي تمااااااااااااااااااااااااام !!

و ملاك الشطورة ,

قررت تصلح الغلطة اللي غلطتها بالتوجيهي ,

وتدرس منيح عشان تصير محامية أد الدنيا المهم ,,

السيد جهاد ,,

كل ليلة سهر مع أصحابو برة,,

و لعب شدة للفجر ,,

و أرجيلة و دخان ,,

و تارك ملاك لحالها يا حرام بالبيت ..

وكل ميرجع ,,

بتعمللو ملاك عرس مطنطن ,,

عشان يلتهي بدراستو ويترك الشلة اللي ماشي معها ,,

بس هو أبدا,,

لا حياة لمن تنادي وفي يوم من الأيام ,,

تأخر جهاد بالسهر كتييييييييييييير ,,

و صار يحاول يألف شي كزبة يحكيها لملاك عشان ما تعمللو مشكلة زي كل يوم ..

فتح جهاد باب الشقة ,,

و هو متأهّب لمشكلة ,,

و راح دغري عند ملاك يورجيها إنو مش خايف منها ,

ومستعد يتمشكل !!

لقي ملاك هيك: جهادخاف !!

قالها ملااااك,,

شومالك؟؟

شوصار ..

وهي أبدا ,

,لا من تمها ,,

ولا من كمها ,,

ضلت هيك وبعد م أشبعها كفوف على وجهها و كب مي عليها ,,

(عشان تصحى,, مش عشان يطلّع القديم و الجديد لا سمح الله)

بالآخر الحمد لله ,,

نطقت ملاك ..

ملاك: لوتشوف ياجهاد شو شفت اليوم بالأخبار جهاد:أخبار؟؟

ليش من متى بتحضري أخبار إنتي؟؟

مهو ليلك نهارك عالأغاني والمسلسلات و الحكي الفاضي ( طبعا جهاد م صدّق)

ملاك: ليش في حد بيفتح هالقنوات غيرك جهاد: ييييييييييي نسيت ,,sorry !!

المهم,,

شوجابو بالأخبار؟؟

ملاك: جابو قصة واحد كان بالسجن,,

بتعرف ليش انسجن؟؟ قال كان بالسيارة تبعتو,,إجا شرطي سألو سؤال ,,

حتى نسيت شو هو السؤال,,

حكالو الزلمة :ليش بتسأل؟؟انجن الشرطي ,,

أخدو عالمركز ,, وحبسو على ذمة التحقيق ,,( بدون أي تهمة ,, سوى إنو سألو: ليش؟؟ )

و استنى لما الشر

طيين روّحو ,,

واستفرد فيه ,,

قالو أنا ينقاللي ليش ؟؟

ماشي ,,

بلّش يضربو و يعّذب فيه ,,

وهداك يصرخ من الوجع وكان الشرطي جايب معو قميص نوم ,,

و شلحو تيابو ,,

و لبسو قمص النوم ,,

وأخدو بسيارةالشرطة عند الورشة اللي بيشتغل فيها الزلمة ,,

و نزلو من السيارة ,,

و صار يضرب فيه بالعصاية ,

يحكيلو: قول أنا سلوى ,,

قول أنا مريم ,,

بصوت عالي !!!

والضرب بالعصاية نازل عن جنب وطرف عليه و بعد هالحكي ,,

صار جهاد هيك يا ويلو هالشرطي من الله !!!!

على فكرة ,, القصة حقيقية

المادة 5 لايعرض أي إنسان للتعذيب ولا للعقوبات أو المعاملات القاسية أو الوحشية أو الحاطة بالكرامة.

مسلسل حقوق تائهة : الحق في الحصول على عمل

كتبها :  Geronimo
اخراج : MALAK + عربييي

موضوع الحلقة : معاناة الخريجين الجامعيين

ألف ألف مبروك جهاد التخرج ,..

الله يبارك فيك عمي أبو يعقوب …

الكنافة يا ولد …

اه ياجهاد ..

وين رح يشتغل ؟؟

بما اني حامل بكالوريس في المحاسبة …

بلكي قدمت طلب في ديوان الخدمة وطلعي تعيين .

ان شاء الله خير.

وبعد اسبوعين من اللف والدوران على الجامعة وتصديق الشهادات والصور …

طلع جهاد على ديوان الخدمة وعبى طلب …

واضطر انو يرجع مرتين عشان اوراق ما إلها داعي…

كل اللي في القصة إنو الموظف روحه طالعة من الشغل وقرفان هالعالم ومحملهم جميلة إنو بدخل طلباتهم على الكمبيوتر .

وبعد انتظار شهر طلع رقم جهاد في الدور 125 …

وكان شي منيح ..

لأنو مش رح يستنى كثير لحد ما يجي دوره ..

فقرر انو يطلع يدور على شغل بالقطاع الخاص لحد ما يطلعله تعيين كل يوم من الصبح يطلع على الشركات ويقدم طلبات ..

ياما عبى طلبات على اشي فاضي …

فقع جهاد …

ولأنو زهق ..

قعد بالدار كل يوم يشتري الرأي ويجيب جريدة الوسيط …

وفجأة وجه جهاد فتّح .. ( تقول لقى مصباح علاء الدين )) وقعت عينه على اعلان دورات في المحاسبة بقصد التشغيل …

والمسكين راح سجل فيها ..

وانتظم شهرين ودفع 400 دينار …

ولما انتهت الدورات حكوله انه حاليا ً ما في شواغر ..

وانهم اخذو رقم تلفونه ورح يحكو معاه اول واحد …

(( نفس الكلام اللي حكوه للخمسين متدرب اللي كانو معاه )) .

ورجع عالدار مهموم …

بس صدفة لقى اعلان انو في تعيينات للمحاسبين …

وطلع على الديوان يستفسر ..

ومتحكي كل الناس في الديوان للاسف ما وصله دور …

بعده دوره 18 …

يعني التعيين الجاي دوره …

فراح اشتغل عند ناس معارف ب 120 دينار ..

يا دوب يكفوه مواصلات وسندويشة فلافل وبكيت دخان . ونحتو عليه شي اربع شهور لحد ما طلع تعيين جديد …

ومع هيك اسمه ما طلع معهم .

طلع كمان مرة يستفسر ..لقى انو دوره 69 …

- عفوا ًَ بس دوري كان 18 اخر مرة .

- عفوا ً ...

هذا دورك الجديد ...

لا تناقش خيو (( شكلو الموظف امه سوريه )) او بحضر مسلسات سورية كثير .

ورجع جهاد عالبيت مقهور ...

واستفسر من ناس وحكوله إنو الواسطة بتلعب دور ...

ايييييه يلعن أبو الواسطة .

. حتى بهاي ؟؟ وفقد الأمل وما لقى جهاد من هالمعاناة الا انو يطلع على دولة خليجية يشتغل ..

غاب سنتين ...

ورجع زي ما طلع كل اللي في القصة انهم ضحكو عليه ...

المكتب اللي دفعله اول راتب عشان يلاقولو شغل عينوه بالسعودية بقرية ولا فيها من معالم الحضارة اشي ...

والمدير الهندي نحت عليه ليل نهار ووقت اضافي بدون راتب ..

لحد ما مرض جهاد ...

ولأنو غاب عن الشغل يومين ... طردوه من شغله ..ورجع على عمان ...

واتصل بعمو ابو يعقوب وراح يشتغل معاه ميكانيكي ...

ويلعن أبو الشهادة .



المادة 22:
مادة 23 :
مادة 23 :

1- لكل أردني حق في تولي المناصب العامة بالشروط المعينةبالقوانين أو الأنظمة .

2- التعيين للوظائف العامة من دائمة ومؤقتة فيالدولة والإدارات الملحقة بها والبلديات يكون على أساس الكفايات والمؤهلات

1- العمل حق لجميع المواطنين وعلى الدولة أن توفره للأردنيين بتوجيه الاقتصاد الوطني والنهوض به

2 - حمي الدولة العمل وتضع له تشريعا ًيقوم على المبادئ الآتية :

أ- إعطاء العامل أجرا يتناسب مع كمية عمله وكيفيته

ب- تحديد ساعات العمل الأسبوعية ومنح العمال أيام راحة أسبوعيةوسنوية مع الأجر .

ج- تقرير تعويض خاص للعمال المعيلين ، وفي أحوال التسريحوالمرض والعجز والطوارئ الناشئة عن العملد- تعيين الشروط الخاصة بعمل النساء والأحداث

هـ خضوع العامل للقواعد الصحية

و- تنظيم نقابي حرضمن حدود القانون

مسلسل حقوق تائهة : عمالة الاطفال

كتبها واخرجها : عربييي

عنوان الحلقة : عمالة الاطفال

كل يوم الصبح بعد ما بياع الحليب يقلق اهلي وهو بنادي على الحليب ( حليبنا - وادي فاطمة للحليب الطازج ) يوميا من ا لمزرعة

لازم اصحى زي المصروع ...

بقوم ( برشق ) كاسة مي على وجهي ( وبفلّي ) حالي باستخدام مشط ( سن الفيل) وبلبس الاواعي اللي كل يوم بلبسها وبنطلق عالشغل حوالي الساعة 7 ....

كالعادة وانا رايح عالشغل بشوف صحابي اللي كنا نلعب انا واياهم بالحارة واحنا صغار كلهم حاملين شنتات ورايحين عالمدارس ,

اواعيهم ما عليها شحمة زي اواعيي رايحين يضحكو عمدارسهم ...

مش زيي رايح اتشعتل بين العجال وبين ماتورات السيارات ...اول ما بوصل الشغل لازم اوكل كف تصبيح من معلمي مشان اتنشط...

بقعد شوي لحتى يروق معلمي ويشرب كاسة القهوة تبعتو ( قهوة صب مش غلي لأنها ارخص كنت مفكر زمان انو المعلم = الاستاذ ... بس لأ مش هيك طلعت ...

الاستاذ لصحابي والمعلم الي ...

مبارح اجت سيارة ( واقعة ) ابصر شو فيها خربان , قاللي المعلم انو انزل تحتيها افك اكمن برغي ,

نزلت انا طبعا مع اني بخاف انزل تحت السيارات بس كمان اذا ما بدي ارد رح يضربني المعلم ورح يطردني من الشغل ولما اروح احكي لأبوي اني انطردت من الشغل رح يموتني من القتل ورح يطردني برا الدار ...

وانا تحت السيارة بفك بالبراغي ربي رحمني انو صاحب السيارة قاعد فيها لأنها دحلت علي ولولا صاحب السيارة وقفها والا كان انا رحت بخبر كان ...

انواع الزباين :-

اللي بكون عامل حالو حدق وفهمان بكل اشي......

وبكل اشي بسأل وبحشي راسو بين المعلم والقطعة …. عالاغلب بكون ناصح والو كرش

الهبيلة اللي لو تقوللو بدك ماتور لأنو العجل مبنشر بقوللك طيب سوي اللي بتشوفو مناسب

الكحتة : هاظ بكون مفكفك كل برغي ممكن انو الميكانيكي يطلب اجرة عليه حتى لو ربع نيرة

الفهمان : وهاظ اكثر واحد بطعّم ( يعني يشتمه ) عليه المعلم

وقت الظهر بكون فش حركة كثير ,

فبقعد باب المحل وبتطلع على طلاب المدارس وهمه مروحين ,

كان نفسي اكون معهم بس ابوي حكالي انو لازم اشتغل واجيب مصاري وانو الدراسة مخسر عالفاضي ,

لما طلعني من الصف الخامس حكالي يا بتجيب مصاري لهالبيت يا بتروح تشوفلك فندق تنام فيه ...

مش فاتح أوتيل انا وانا قاعد باب المحل سمعت صوت كندرة طايرة وجاي علي ,

واول ما لفيت وجهي لقيت اشي اسود مكتوب عليه 44 لخم بوجهي ونيمني عظهري ..

المعلم : ولك قاعد بتتفرج عالرايح والجاي يا ابن ال**********

وانا بدفعلك راتب مشان تيجي تقعد

انا : طب مهو يا معلمي ما في اشي اشتغلو
المعلم : اذا ما في اشي تشتغلو روح نظف الشحمة عن الارض
انا : ليش هي الشحمة بتروح عن الارض , والا الشغلة تعجيز يعني
المعلم : ولك لا تناقش يا حمار يا ابن ال********* يا ********

اعمل اللي بحكيلك اياه وبس وما باليد حيلة ...

بروح عالدار بلاقي ابوي ماددلي ايدو.........

بدو المصاري اللي اشتغلت فيهن ولما احكيلو جوعان بدي اوكل بحكيلي بتخلي معلمك يطعميك بالشغل مش فاتحها مطعم انا ...

مش عارف يعني اذا الدار ما بنوكل فيها ولا بننام فيها , ليش اسمها دارنا لعاد

يتضمن الاعلان العالمي لحقوق الانسان في المادة رقم 26 ما يلي :
المادة 26 ( 1 ) لكل شخص الحق في التعلم، ويجب أن يكون التعليم في مراحله الأولى والأساسية على الأقل بالمجان، وأن يكون التعليم الأولي إلزامياً وينبغي أن يعمم التعليم الفني والمهني، وأن ييسر القبول للتعليم العالي على قدم المساواة التامة للجميع وعلى أساس الكفاءة.( 2 ) يجب أن تهدف التربية إلى إنماء شخصية الإنسان إنماء كاملاً، وإلى تعزيز احترام الإنسان والحريات الأساسية وتنمية التفاهم والتسامح والصداقة بين جميع الشعوب والجماعات العنصرية أو الدينية، وإلى زيادة مجهود الأمم المتحدة لحفظ السلام.( 3 ) للآباء الحق الأول في اختيار نوع تربية أولادهم.

مسلسل حقوق تائهة : الاستبداد

كتبها crestthebest

اخراج : MALAK & عربييي

عنوان الحلقة : الاستبداد

قصه واقعيه... آخر ايام رمضان,,
اتعودنا انو ابوي يكون معانا بس الحمد لله على كل اشي, مات بعد رمضان قبل سنه...
اتخرجت جديد وطبعت شوية C.V يعني 200 تقريباً وبلشت الف على الشركات زي ( مندوبين المبيعات ( انعف ( يعني اعطي للشركات) سيفيهات )او بالاحرى اجلكم الخالق, زي ابو صابر الزلمه اللي كان يلف على البيوت هوه وصابر الحمار تبعه عشان يلم الخبز...

شنطة اللاب توب معي كلها وراق, على اساس العرط , يعني لو حدا خجلني حكالي شو نوع اللاب توب؟ كان قلتله

شنطة اللاب توب معي كلها وراق, على اساس العرط , يعني لو حدا خجلني حكالي شو نوع اللاب توب؟ كان قلتله A4 بدل ما قلوا p4
المهم قرفت حالي....... اسابيع بلف في الشوارع ومحسوبكم ولا مقابله, ولا اتصال حتى لو انه بالغلط.
طيب شو الحل؟
كان ابوي…. الله يرحمه ويجعل مثواه الجنه, يظل يحكيلي يابا: انت ما اتفكر لانه ازا فكرت بتخرب بيتنا...
واللي صار انه محسوبكم حرك الطاسه وفكر والنتيجه:
ياما كم معك فلوس؟ امي: والله ولا كرش,
محسوبكم: طيب متى الجمعيه تاعتك؟
امي (وحاسه بمصيبه ) والله ياما ياحبيبي كمان يومين كبل العيد, بدي اشتري لخواتك اواعي وعشان تروح اتعيد عماتك وخلاتك و و و و و ...(عيله بدون دخل بتعيد نسوان العيله) عادات باليه انا .... ( بخباثه): عندي الك حل يا امي اخو شليته(باللبناني ) عشان اضحكها ,
هات ياما انت بس أومر(المسكينه بدها تراضيني, بأي وسيله, لانه كنت طالع من مصيبه, والله لطف في حالي كرمالها
ياما: بدي اسافر على دبي, وادور على شغل وانت دعواتك الي...
والله ولفيت عمان شبر شبر ادور على شركه تدبري فيزا بس ما لقيت... وبدهاش طول سيره , دفعت 1000 دينار وأكثر عشان فيزا وتذكره لبلد حقوق الانسان... المهم أول ساعة وصلت فيها , الابراج والبحر وكــــل اشي, قابلت من اول ساعتين الي في البلد...
ولفيت ورحت واجيت لحتى اشتغلت عند ارباب مال انا...
القانون قانون استعباد...
اول كم من يوم محسوبكم زي اللي متزوج جديد دوام لل 4.30 في قانون الشركه,
بعد اسبوعين,,
جهاد اليوم دوامك لل7 المسا ...... ماشي عنا ضغط شغل؟

الطرطور: ماشي ولو …. اثبات وجود للسنافر
ممنوع تاكل في الشركه, ليش بتاكل؟
لاني ببساطه جعان,,,
ما تجاوب...
المهم... الكفيل هون زي اللي متزوجك, او بالاصح زي اللي مشتريك,,, لو سمحت يا مدير ...... بدي افتح حساب في البنك, طيب مش اليوم...
بدي افتح ملف للرخصه,,
بلزمكاش هسا...
بدي... ممنوع,,
يعني كل اشي بتحكم فيه...
لو سمحت مدير بدي اتحاولوا اتدبرولنا سكن رخيص...
بالله عليك؟ ليش انت بتفكر حالك دكتور كلك مدقق مش جايب همك...
طيب كنسلوني ( يعني اقيلوني ) بدي اشوف شركه تانيه,,
لا والله بتمزح ولا بتحكي جد؟ انا دافع 12 الف درهم عليك عشان تتركني, ابن المجنونه حسيته شاريني وبعاير فيي...
سكتت وحطيت بتمي كندره, لاني متغرب عشان امي وخواتي...
وصرت من جوا بدي افقع, وينك عزة نفسي وكرامتي ولا استر على اهلي...
وهي الايام بتمر والاسعار نار, الله وكيلكم البيض صار بورصه زي الذهب كل يوم شكل,,,
والطامه الكبرى انه بعد ما لقيت سكن رخيص ومنيح وخلال كتابتي لهاي الحلقة الواقعيه بدون تبهير,,,
دق صاحب الشقه علي وخبرني اخلي الغرفة خلال يومين, ولا بزت اغراضي في الشارع...
وخد فلوسك على داير ملين يا استاز جهاد, انا مش بايدي يا بش مهندس... طيب اسكت الله ينكد عليك من الصبح حاس انه فيه مصيبة ,,,
احد مشاكل الشركات العربيه
لهون وبس لانه مش قادر اكمل اكيد التكمله عندكم...
يتضمن الاعلان العالمي لحقوق الانسان في المادة رقم 1 ما يلي : المادة 1يولد جميع الناس أحراراً متساوين في الكرامة والحقوق، وقد وهبوا عقلاً وضميراًوعليهم أن يعامل بعضهم بعضاً بروح الإخاء.

مسلسل حقوق تائهة : حق الجار

كتبها واخرجها: MALAK & عربييي
عنوان الحلقة : حق الجار

سماحة الشيخ السلام عليكم ....

بدي اسألك سؤال بالله اذا ممكن ....

وعليكم السلام ورحمة الله ...

تفضل هاتِ ما عندك . ( طبعا التقوى والخشوع والايمان كانو ينقطو من سماعة التلفون .....

يا شيخ بدي اسألك: شو حق الجار على جارو......

شو حق الجار على جارو.....

شو حق الجار على جارو..........

شو حق الجار على جارو ....

تووووووووت توووووووت تووووووت تووووووووت ....

قطع الاتصال .............

كأنو سكر السماعة بوجهي ....

طب ليش سكر ( ليكون اليوم الجمعة عطلة
قصتي قصة مع جيراني الله ينتقم منهم , جاري اسمه خلف رائد بالجيش مع انو كل معاشو 12 ليرة بس يا اخي سيارات الكابريس منعوفة باب بيتو ولأ الاطقع من هيك انو زبالتهم كلها قشر موز وتفاح وفواكة ما لذ وطاب وشكلاتات من ابو ( الخمسة وثلاثين قرش :سمايلي نزلت ريالتوا

يا عمي الله يهنيه مش زعلان انا , بس انو زبالتو يرميها على باب بيتو مش على باب بيتي......

والمشكلة رائد بالجيش بقدرش احكي معو جاري الشيخ اللي سكرت السماعة بوجهو انا سكرت بس كنت امزح
المهم جاري الشيخ بسوق علينا الشرف يوم الجمعة بالخطبة ,

بس لما يتعامل مع الناس بيجمع بحالو وساخة كل الاجناس والحارة اللي هو فيها ما بتنداس واذا شتم حدا لازم تحكيلو حكيك عالراس ولما تسلم عليه ايدو لازم تنباس ( ينعن اخت السجع يا شيخ
تعين بالاوقاف بألف واسطة وواسطة وسمعت انو واصل هناك لدرجة انو ابن خالتو مراسل بدائرة تابعة للاوقاف
من غير يمين انو اجت صورتو عالتلفزيون بمهرجان جرش وكان هو ومرتو يرقصو على الحان وانغام نانسي بنت عجرم ( هاد كلو من مبدأ انو :: على ايه تكشّر وليه تفكر ما العمر كلّو يومين ..... )

ما علينا ....

كيف بتصحى الصبح يا ابو عزيزة ؟؟... على صوت جارتنا كلارا )

وكيف بتنام يا ابو عزيزة ؟؟ ....

لما تنخمدجارتنا كلارا وتظب لسانها ...
حسبي الله ونعم الوكيل على هالجارة ولا حدا سالم من لسانها وبالاخص انا لأني جارها الحيط بالحيط ,

يعني مرات بكون اكنس بالحوش ( لأنو المرة تعبانة مش لأنها رح تنيمني برا البيت اذا ما رديت عليها ) ...

بخلص تكنيس من هون والا كيس هالزبالة مطروش بنص الحوش ( اكيد ما غيرها جارتنا السلعوّة كلارا )

لأومش بس هيك سطل المي اللي مسحت فيها الارض ( طششششششششش )

( اصلاتن اصلاتن مش دايما بتيجي المي على راسي مرات ببعد) هاظ كلو ولا اشي , مرة كنت مروح من الشغل لقيت ابنها لكلارا بظرب ببنت صغيرة بالشارع مشان تعطيه مصروفها ( عيله كلها واقعة ( يعني فاشلة )
اجيت انا بكل براءة صرخت عليه مشان اخوفو ويسيب البنت بحالها ...

وعيني ما شافت الا النور ...

3 فردات كنادر من نمر مختلفة الاحجام والاشكال والمقاييس كانت طايرة باتجاهي وبسرعات متفاوتة ...

بعد ما تلطوشت وقمت عرفت انو مصدر هالكنادر من بلكونة كلارا ....

حمدت الله اني بعدني عايش وروحت عالدار فتحت التلفزيون على مسلسل باب الحارة .................

مشان اشوف وضع الناس الاجتماعي زمان كيف كان وكيف الجار كان يعامل جارو )

يتضمن الاعلان العالمي لحقوق الانسان في المادة رقم 28 ما يلي
لكل فرد الحق في التمتع بنظام اجتماعي دولي تتحقق بمقتضاه الحقوق والحريات المنصوص عليها في الإعلان العالمي لحقوق الانسان تحققاً تاما...

مسلسل حقوق تائهة : الحق في التعليم

كتبها :  crestthebest

اخراج : MALAK & عربييي

عنوان الحلقة : الحق في التعليم

لو سمحت وين جوازك؟هيو سيدي...

وشو رايح تعمل في العراق؟بدي ادرس سيدي.

بالتوفيق,

شكراً سيدي...

هاي كانت آخر كلمات بسمعها وانا في الاردن,

الاردن بلدي الغالي,,,

ركبت الطياره,

ونزلت في مطار بغداد, ماكنت اعرف حد هناك,

كان هدفي انه بعد 4 سنين أروح على الاردن بشهاده,,,

دورت على تلفون لحتى اكلم أهلي وأبشرهم اني وصلت,

تيرن تيرن تيرن تيرن
ألو مرحبا,
شو بتقول عيني؟ مين أومك؟دش في الموضوع وبلالك من اللف والدوران عيني,,(بلهجه عراقيه ) سكرت السماعة بوجهها وضربت على راسي,,,
رنيت على أهلي كمان مرهألو مرحبا,كيفك محمد؟أهلين شو وصلت يا حمار؟
رنيت على أهلي كمان مرهألو مرحبا,كيفك محمد؟أهلين شو وصلت يا حمار؟
first ( يعني فصل دراسي) بعد first قصدي second وبعدين فاينل,,
حليب النيدو أخد مفعوله بسرعه,,,
حليب النيدو أخد مفعوله بسرعه,,,
حكيت مع السفاره,
وهاي كان نصيحة امي اني اتنور وما استعجل
وعلى قولة الشاعر: اللي بيسمع كلمة امه شو بنقله؟شاطر شاطر وفعلاً الله وفقني بتخصص نفس تخصصي,,,وكانت الطامه في عدد الساعات اللي بدهم يحسبولي اياهامن أصل اكتر من 99 ساعة بس حسبولي 30 ساعة محسوبكم حملت حاله وراح على سحاب,
وعلى قولة الشاعر: اللي بيسمع كلمة امه شو بنقله؟شاطر شاطر وفعلاً الله وفقني بتخصص نفس تخصصي,,,وكانت الطامه في عدد الساعات اللي بدهم يحسبولي اياهامن أصل اكتر من 99 ساعة بس حسبولي 30 ساعة محسوبكم حملت حاله وراح على سحاب,
مصنع شيبس..90 دينار راتب العامل الشهري,,,واللي منه اشتريت جاكور 2007 وبنيت فيلا في عبدون, واتزوجت بنت السفير الفلاني سيب ايدوا هادا واوا,,,
آه يا ضياع سنين عمري,,,
مصنع شيبس..90 دينار راتب العامل الشهري,,,واللي منه اشتريت جاكور 2007 وبنيت فيلا في عبدون, واتزوجت بنت السفير الفلاني سيب ايدوا هادا واوا,,,
آه يا ضياع سنين عمري,,,

أهلين عيني,

كيفك ياما,(وحاس انه مش صوتها )

من تياستي ناسي أحط مفتاح الاردن

آه وصلت يا ***** ***** ***** ***** ***** *****وحكيت مع أمي ومع اخواني ومع الكل...

المهم دخلت الجامعه,

وبدا الجد والدراسة,,,

هوب ولا انا سنه تالته

نايمين في الليل في أمان الله,,,

وعينك ما تشوف الا النور ,,,

قصدي الصاروخ بنص الحاره...

واسمعت صوت زلمه بحكي:تشلبوا ( يعني تسلحوا بالعراقية ) بالاسلحه ماليتكوم عيني,

خلينا نفرجي الامريشان المريله والريوليه (الامريكان,المرجله, الرجوليه )

المهم بلاد تاخدنا وبلاد تحطنا وصواريخ طالعه وصواريخ نازله,,

حكولي جهز حالك تنزل على الاردن ياخسارة 3 سنين راحت هيكنزلنا على الاردن وسقطت بغداد,,,

وكان أكبر همومي اني اكمل دراستي, حملت وراقي وجهزت اسلحتي وهجوم على الجامعات,,,

قعد عند قبر ابوه واستأزن منه انه ما يكمل دراسته,,,كنت واعدك يابا اكمل شو مصار معي...

بس الحمد لله ما زبطت معي وما اطلعت من سحاب,,,على أول مصنع آخر دخله بعد الكازيه على اليمين...هاد مقري الدائم صار,,,

نص القانون الاردني في :المادة 26 ( 1 ) لكل شخص الحق في التعلم، ويجب أن يكون التعليم في مراحله الأولى والأساسية على الأقل بالمجان، وأن يكون التعليم الأولي إلزامياً وينبغي أن يعمم التعليم الفني والمهني، وأن ييسر القبول للتعليم العالي على قدم المساواة التامة للجميع وعلى أساس الكفاءة.

القانون واضح وما بده شرح...التعليم حق لنا ولكم...وهو اجباري في المراحل الابتدائيه...ويجب ان يكون ميسر في المراحل العليا...مع قدر عال من المساواة وعدم التمييز...

مسلسل حقوق تائهة : الحق في الحصول على محاكمة عادلة

كتبها : crestthebest

اخراج : MALAK & عربييي

عنوان الحلقة : الحق في المحاكمة العادلة

ترن ترن ترن كــــــــــاز كــــــــــــــــــــــــــــــــــــــــــــــاز

ترن ترن ترن ترن
كــــــــــــــــــــــــــــــــــــــــــــــاز كـــــــــــــــــــــــــــــــــــــــــــــاز.. .
يلعن سكين بلاستيك عرص, شو اللي جابو هاد الغبي هلأ؟
مسكت التلفون ورنيت على الطابق الاول: ألو ماما صباح الخير,
أي صباح الخير هاد صارت الساعة 12 الظهر متى بدك تروح على الجامعه؟
طيب ماما ما تصرخي في داني خلي الشغاله تجيبلي الفطور,,
قصدك الغدا!!
ماما الله يرضى عليكي مش نايم منيح وما توجعي راسي,,,
آه ماما وين كاين سهران؟
هوهو عاد....... ياللا باي ماما..
اجت الشغاله وحطت الفطور الكونتينيتاك على قولة عادل امام,

مربى وتوستر وأشياء,,,
أكلت وألبست لبسه كنت مبارح شاريها,

لانها سوسو حبيبتي آلتلي اشتريها حلوة عليك,,,
ومش غاليه كتير شو 200 دينار لبسه,
انا أقل سهره بصرف 600 دينار,
البست ورحت على الجامعه,

وميلت في الطريق على جهـــاد,

جهــاد شاب من الجامعة ساكن في المناره, شاطر كتير وبغششني, وحلو والبنات بحبوه وبوصل للي بدي اياها عن طريقه , يعني خزي النشيط وخروفي الرفيق...
زمرتله وطلعلي, كيفك جوج؟
هلا فلاح

حكيتلك الف مره ما تحكيلي فلاح, انا فوفو

طيب ماشي..
ركب جهاد واطلعنا على الجامعه, وما قطعت الا اشارتين حمر بس,,

قبل باب الجامعه بكم من متر رفعت الهند بريك...

وياريت ما رفعته, ما سيطرت على السياره وضربت شاب وما عرفت شو بدي أعمل,

جهاد حكالي انزل لحتى أشوف شو صار فيه,

انا هربت بالسياره وقلبي في **** الكل شافني والكل بعرف انا ابن مين؟

والله ابوي ليفرمني لما يعرف,

اتصلت على ماما وحكيتلها,
ماما صارت تبكي وحكتلي هلأ بحكي مع أبوك
طبعاً بابا حكى معاي وسألني مين كان معك وشو اللي صار ووين ومين الشاب اللي دعسته
يومين مروا...
جهــــــــــــــــــــــــــــــــــــــــاد مرمي في السجن
جهاد سايق بدون رخصة ودعس ماجد

وفلاح طلع زي الشعره من العجين,

لانه أبوه مسوؤل كبير ومهم في البلد واله وزنه؟

جهاد لبس القضيه,

لانه فلاح ابوه شخص واصل, واله معارفه,,,

طيب فلاح تسبب في شلل شخص,

وجهاد الطالب الفقير اللي بدرس وبصرف على أهله راح بالرجلين

المادة 7
كل الناس سواسية أمام القانون ولهم الحق في التمتع بحماية متكافئة عنه دون أية تفرقة، كما أن لهم جميعا الحق في حماية متساوية ضد أي تميز يخل بهذا الإعلان وضد أي تحريض على تمييز كهذا

مسلسل حقوق تائهة : التمييز الاجتماعي

كتبها :  crestthebest

اخراج : MALAK & عربييي

عنوان الحلقة : التمييز الاجتماعي

ترن ترن!!

أهلين اتفضلوا ياعمي !!أهلين فيك عمي أبو عبد,,

أهلين فيكي ياحجه اتفضلوا,,,

عمي بدنا ندخل في الموضوع وبدون مقدمات,

اتفضلي ياما إحكي,,

أمي: والله يا أبو عبد إنه إحنا زي الأهل من زمان وام عبد أختنا العزيزه علينا وحابين إنّاسبكم
وجهادالحمد لله رجع من الإمارات بعد ما كوّش على بترولاتها وجاب معه شوّال أبو خط أحمر كله دراهم وحابين نخطبله بنتكم نور أم عبد مش عاجبها الحكي وطعجت تمها,

طيب هوه إبنك يعني معه شهادات ولا بس هالكرشين اللي روّح فيهم (هاد اذا معه ؟
إمي: لا والله ياام عبد,

زي ما بتعرفي الولد ماكمل دراسته,

والدراسه مش كل إشي يعني المهم الفلوس
جهاد زي الأطرش في الزفه المهم يخطب(وبنت النور دكتور الأسنان) ..

أبو عبد: والله يا ام جهاد طلبكم مش عنّا إحنا بدنا واحد دارس (دجّها دجّ ( يعني تكلم بقساوة )
إمي: كوم يامّا كوم شكله البنت رح تتخلل عندهم على ايش مش عارفه
جهاد: بس ياما ...

إخرس وكوم
يالله بخاطركم...

ام جهاد اشربي القهوة,,تسلموا مشروبه...

يامّا والله لأزوجك ست ستها,,,
أمرك يامّا بعد يومين ...

ترن ترن (الله وكيلكم كلهم نفس صوت الجرس)مين؟
أنا ام جهاد يا ام ناصر...

أهلين ومرحبتين فيكي يا اختي يا أم جهاد,

اتفضلي.تسلمي يا ام ناصر طول عمري بحكي عنك انك صاحبة واجب مش زي أم عبد,

ومالها ام عبد؟

رحنا نخطب بنتها,

وما أعطتنا له له له ولمين؟ لجهاد ابنك؟

آه والله,

وتحمد الله انه فكرنا في بنتها بكفيش سنانها فرك وشعرها مكشكش...

وبدت قعدة النم...

وبعد ساعه نمّ...

أم ناصر حشت الحاره كلها: دع الخلق للخالق يختي يا ام جهاد المهم ليش اليوم نورتينا؟

يعني هاي بدها سؤال يا أم ناصر؟أنا أجيت أطلب إيد بنتك أماني لجهاد,,,

إم ناصر صار وجهها زي اللي ماشي عليه سحليه بس انت بتعرفي يا إم جهاد انه البنت بتكمل في دراستها في المعهد وبنتي كوافيره كد الدنيا طيب وابني يا ام ناصر ماله ناكص يعني,

مهوه صلاة النبي عليه التوجيهي جاب أعلى معدل بين صحابه بس ما كمّل دراسته لانه أبوه إتوفى واطّر يسافر ويشتغل عشان يصرف على البيت,

والولد شغيل ورجع من الإمارات والحمد لله رب العالمين ربنا ساترها معه,

معه سيارة مستوبيجي (تغيير في الأسلوب من شوّال أبو خط الى السيارة المتسوبيشي )..

لا والله يا ام جهاد,

بس البنت مش مفكره في الخطبه وزي ما بسمع منها بتحب مصطفى ابن الجيران طيب خليه ينفعكم مصطفى المكمّل,

مطغلطيش عليه هاد خطيب بنتي وصار خطيبها ياللي ما بتستحوا أنا اليوم بدي أبعتلك (مرطبان وفي روايه مطربان)وتحطيها فيه وشوية ملح وخلليها ناس آخر زمن..

أم جهاد بتروّح مكسورة الخاطر وكأنه إبنها عرّة المجتمع وما حدا راضي فيه...

يامّا!أيوا ياما يا حبيبي؟يمّا طلعت صاحبي,

بتعرفي أهله ؟مالهم يامّا بعرفهم؟

انت بتعرفي شو الناس هدول مستورين,

وبنتهم كتير مستورة ومؤدبه,

طيب يمّا ادخل في الموضوع يمّا بدي تروحي تخطبيلي بنتهم عفاف,

بس يامّا أبوهم راجي كثير عصبي طيب يامّا أنا بدي البنت ولا أبوها...

بعدين انت شايفه أخوها طلعت شو زلمة قد حالوا .

وشغيل ومؤدب,

وإبهام أخوها الصغير كمان محترم وبحلفوا بحياتوا طيب يامّا خلص الخميس بنروح بنشوفهم ترررررررررررررررن تررررررررررن!!
أهلين أم جهاد أتفضلوا,

طلعت حكالي على موضوعكم,

وزي ما بتعرفي انه عفاف بتقدم لرسالة الماجستير في المحاماه,

بس لمّا إتخلص آخر الشهر إعتبري الموضوع خلّص,,,
والله أصيله يا إم طلعت,, وبعد الزواج بشهرين, لاحظ جهاد انه في فجوه بينه وبين عفاف,

وسببها العلم,

لانه مش دايماً الحياه بتكون كافيه كمدرسه..
فقرر يطلع على الجامعه ويقدم طلب ويكمل دراسته

المادة 16
( 1 ) للرجل والمرأة متى بلغا سن الزواج حق التزوج وتأسيس أسرة دون أي قيد بسبب الجنس أو الدين، ولهما حقوق متساوية عند الزواج وأثناء قيامه وعند انحلاله.

مسلسل حقوق تائهة : المساواة بين الناس

كتبها: ابوشعبان

اخراج : MALAK + عربييي
موضوع الحلقة : الجنسية

ولد حسن من أب أردني وأم أردنية ..

ولد في إحدى المستشفيات الحكومية ..

والد حسن من أصحاب السوابق

ولكن ما ذنب الطفل ؟؟

لم يكن لوالد حسن أي قيد مدني فالمحروس لم يقم بعمل دفتر عائلة بعد عقد الزواج ..

والأم المسكينة الجاهلة لا تفهم بهذه الأمور ..

بعد ولادة حسن قام والده بسرقته من المستشفى وهرب به الى مدينة أخرى ..

وبعد أيام عدة عاد حسن إلى حضن والدته ..

والوالدة المسكينة من الفرحة نسيت متابعة أمر تسجيل حسن وعمل شهادة ميلاد له ..

ومضت سنين حتى أصبح عمر حسن 6 سنوات ..

فحتى يقبل حسن بالمدرسة لا بد من وجود شهادة ميلاد له ..

عندها بدأت الأم تصحوا من غفوتها وجهلها ..

وبدأت في رحلة البحث عن الأب الذي طلقها قبل ولادة حسن ..

الأب موجود..

وقابلته الأم أكثر من مرة ..

ولكن المشكلة الآن ليست به بل برفض الأحوال المدنية تسجيل حسن بعد مضي سنين عديدة على ولادته إضافة إلى أنه لا يوجد قيد مدني لوالده ..

بخصوص المدرسة استطاع حسن الدراسة حتى الصف الخامس ..

وبعد ذلك توقف لتشديد التربية على وضعه ..

وليستطيع هذا المسكين أن يحصّل لقمة العيش ..

وضع حسن الآن ...

حسن الآن هو شاب عاطل عن العمل لا يستطيع العمل في أي جهة ..

كيف وهو لا يحمل الهوية الشخصية .. ولا يوجد له أي قيد في سجلات الحكومة ..

حسن مواطن أردني بدون جنسية ..

حسن هو الغريب في موطنه ..

والدته تزوجت من شخص أقسى من والده .. فطرده من المنزل ..

وهو الآن يعيش في غرفة بناها أهل الحارة ..

يساعد هذا الشاب أهل الحارة في أعمالهم اليومية على أمل أن يحصل منهم على أجر زهيد يقتات منه ..

والجميع لا يبخل على حسن لا بالطعام ولا باللباس ..

حسن لا يستطيع السفر لأي مكان حتى في بلده فهو لا يحمل الهوية .. حسن لن يستطيع في يوم من الأيام الزواج ...

باختصار حسن لا يتمتع بأي حق من حقوق المواطنه ..هذه قصة حسن ..

الذي أخشى عليه من الإنحراف ..

فنخسره شاباً قد يكون في يوم من الأيام مواطناً صالحاً يخدم بلده بالشكل الأمثل ..لا أدري أي حق من حقوق الإنسان يجب أن يطالب به حسن ؟؟؟؟

الاعلان العالمي لحقوق الاسان
المادة 1يولد جميع الناس أحراراً متساوين في الكرامة والحقوق، وقد وهبوا عقلاً وضميراً وعليهم أن يعامل بعضهم بعضاً بروح الإخاء.

المادة 3 لكل فرد الحق في الحياة والحرية وسلامة شخصه.

المادة 6 لكل إنسان أينما وجد الحق في أن يعترف بشخصيته القانونية.المادة 13 ( 1 ) لكل فرد حرية التنقل واختيار محل إقامته داخل حدود كل دولة.

( 2 ) يحق لكل فرد أن يغادر أية بلاد بما في ذلك بلده كما يحق له العودة إليه.

المادة 15 ( 1 ) لكل فرد حق التمتع بجنسية ما.

مسلسل حقوق تائهة : حقوق العمال

كتبها :  crestthebest

اخراج: MALAK + عربييي

عنوان الحلقة : حقوق العمال

والدة كلارا : ولك يا كلارا خديلك إجازة ياما ياحبيبتي وإنزلي عنّا من زمان ما شفناكي ياما يا حبيبتي,
كلارا : ياما والله صارلي سنتين بطلب إجازه والمدير مش موافقلي عليها مع العلم إنه قانون العمل بعطي إجازة 30 يوم على كل سنه شغل..
كلارا ( متابعة ) : طيب يامّا أنا بدي أسكر المدير بنادي عليّ...
المدير : كلارا كلارا بعدين معك بدك تقضي كل يومك على التلفون؟
كلارا : بس سيد مصطفى أمّي حكت معاي يادوب دقيقتين
المدير : طيب خلص بلا كثرة حكي روحي كملي شغلك, وخدي هاي الشهادات صوريها ابعتيها فاكس لجزر القمر
كلارا: طيب
تك تك تك تك تك تك تك تك (الساعه صارت واحده )

كلارا : سيد مصطفى بدك إشي؟
المدير : لأ ليش؟
كلارا: بدي أنزل نص ساعة, آكل إشي وأرجع لاني بدي أشرب الدوا تعبانه,,,
المدير : أي دوا هاد ياكلارا الشغل فوق راسنا ومش فاضيين للأكل والشرب والدوا
كلارا : طيب ليش بتصرخ سيد مصطفى؟ أنا حقي استراحه ساعة كل يوم لانه ساعات العمل في القانون...
المدير : طيب خلص خلص هلأ صرتي تفهمي على دوري بالقانون حكيت فش إستراحه يعني فش إستراحه...
كلارا : بس سيد
المدير: خلص اطلعي برا مش فاضيلك

تك تك تك تك تك تك تك تك (الساعة 5 وخلص الدوام )
كلارا : ياللا بدكم اشي ؟ أنا مروحه,,,
المدير : كلارا خلصت التقرير؟
كلارا : لأ سيد مصطفى ان شاء الله بوكره بكمله
المدير: لا ياشيخه
كلارا : عفواً سيد مصطفى طيب ايش أعمل يعني؟
ساعة غدا ما باخد وتأخير وكل يوم بتأخر, وقت اضافي ما الي عليه فلوس, شو اللي بدك إياه يعني؟
المدير: ولا إشي,..
كلارا ( و هي منفعلة ) هاي استقالتي...
المدير : لا ياكلارا بتلوي ايدي يعني بعد ما علمتك الشغل؟
كلارا : لا ياسيد مصطفى بس خلص انفجرت منك ومن الشغل معك, الله أكبر ياأخي انت ما بترحم, وقعلي على الاستقاله وجهزلي كل حقوقي

المادة 24
لكل شخص الحق في الراحة، وفي أوقات الفراغ، ولاسيما في تحديد معقول لساعات العمل وفي عطلات دورية بأجر.